Kadǎ bućhǒl pe i ćhib amari.
Amaro Del kamle!a
Te den dùma le Rrom
Maśkar le gaʒe-buzne
Haj te-hatǎras nùma amen !
Kon ʒanel amari ćhib
Te trail but berś angle,
Te avel les lòje aj sastimos,
Te avel les baxt aj barvalimos,
Te na ʒanel o ćorrimos !
Aj, amari ćhib rromani
Śukar sar i ćhej bari
Kaj najol pesqe and-o paj
Kana o Ćhon
inklel avri p-o plaj
Kas barǎrel i ćhib rromani ?
— Le Veśes aj le Dromes,
Le Khames aj le Ćhones,
La Phuvǎ aj la Da, la phurǎ,
Naj p-i phuv ćhib maj laćhi,
Maj śukar aj maj guli
Sar i ćhib i rromani.
Aj, amari ćhib rromani !
Sumnakuni sar i angrusti,
Sar i avgin guli,
Sar i phabaj peki
Sar o rat loli,
Sar o sundal barvali,
Aj sar le Rrom — Kali !
Aj, amari ćhib rromani
Zurali sar ’kh grasni
Hurǎl sar ’kh ćirikli
Marel sar ’kh ćukni
Ćhinel sar ’kh ćhuri,
Aj, amari ćhib rromani !
Kaj dikhlǎ pe te na siklǒves
I ćhib la daqi, i ćhib le dadesqi
I ćhib amari, i ćhib rromani ?
Aj, amari ćhib rromani.
Aj, amari ćhib rromani,
Sar i avgin guli,
Thaj śukar sar
’kh rromni terni !
Kadǎ bućhǒl pe i ćhib amari.
Amaro Del kamle!a
Te den dùma le Rrom
Maśkar le gaʒe-buzne
Haj te-hatǎras nùma amen !
Kon ʒanel amari ćhib
Te trail but berś angle,
Te avel les lòje aj sastimos,
Te avel les baxt aj barvalimos,
Te na ʒanel o ćorrimos !
Aj, amari ćhib rromani
Śukar sar i ćhej bari
Kaj najol pesqe and-o paj
Kana o Ćhon
inklel avri p-o plaj
Kas barǎrel i ćhib rromani ?
— Le Veśes aj le Dromes,
Le Khames aj le Ćhones,
La Phuvǎ aj la Da, la phurǎ,
Naj p-i phuv ćhib maj laćhi,
Maj śukar aj maj guli
Sar i ćhib i rromani.
Aj, amari ćhib rromani !
Sumnakuni sar i angrusti,
Sar i avgin guli,
Sar i phabaj peki
Sar o rat loli,
Sar o sundal barvali,
Aj sar le Rrom — Kali !
Aj, amari ćhib rromani
Zurali sar ’kh grasni
Hurǎl sar ’kh ćirikli
Marel sar ’kh ćukni
Ćhinel sar ’kh ćhuri,
Aj, amari ćhib rromani !
Kaj dikhlǎ pe te na siklǒves
I ćhib la daqi, i ćhib le dadesqi
I ćhib amari, i ćhib rromani ?
Aj, amari ćhib rromani.
Aj, amari ćhib rromani,
Sar i avgin guli,
Thaj śukar sar
’kh rromni terni !
