Na kamam: mire gilǎ
Te paślǒn ‘dr-o ‘gi miro.
Me kamam: sär ćiriklǎ
Te urnǎn k-o kham baro!
Te prastan për phuv sari
Te śunen len o veśa,
Luludǎ ta ćarorri...
Ćhavorre... ʒuvlǎ... murśa.
Na kamam: mire godǎ
‘Dr-o śero mro te murdǒn.
Me kamam: sär luludǎ
Dr-e vavrenθe te barǒn.
Me kamav jekh tiknipen:
T'arakhen o drom jone,
Anindoj mro kamipen
K-o ile, k-o rromane.
Na kamam: mire gilǎ
Te paślǒn ‘dr-o ‘gi miro.
Me kamam: sär ćiriklǎ
Te urnǎn k-o kham baro!
Te prastan për phuv sari
Te śunen len o veśa,
Luludǎ ta ćarorri...
Ćhavorre... ʒuvlǎ... murśa.
Na kamam: mire godǎ
‘Dr-o śero mro te murdǒn.
Me kamam: sär luludǎ
Dr-e vavrenθe te barǒn.
Me kamav jekh tiknipen:
T'arakhen o drom jone,
Anindoj mro kamipen
K-o ile, k-o rromane.
