Hazdiom me upre kher ućo, khangëri,
kaj andre jekh devel si o Lav Rromano,
na vaś manqe jekhesqe me les hazdiom,
vaś sarenqe tumenqe, kon si, kon javen
'daj pal manθe pr-e phuv adaja duredër.
He meràva, ne lav na merèla miro,
pre 'daja khangëri jov jaćhèla lekhlo,
kaj devel si o Lav Rromano, kaj gilǎ,
si ʒivde rromane, mre jileça andre.
He patǎv : biandǒna neve xaj Rroma,
but śukar, zorale, godǐvare, lilvare
ćhavorre-ćhajorrǎ ʒàna 'dr-e khangëri,
mre godǎça savi me vaś lenqe kerdǒm,
mre Devles 'doj kamèna adǎke, sar me.
He jaćhovav ʒivdo dr-e gilǎ rromane,
dr-e lava, mre jilesθär save biandǒm.
Hazdiom me upre kher ućo, khangëri,
kaj andre jekh devel si o Lav Rromano,
na vaś manqe jekhesqe me les hazdiom,
vaś sarenqe tumenqe, kon si, kon javen
'daj pal manθe pr-e phuv adaja duredër.
He meràva, ne lav na merèla miro,
pre 'daja khangëri jov jaćhèla lekhlo,
kaj devel si o Lav Rromano, kaj gilǎ,
si ʒivde rromane, mre jileça andre.
He patǎv : biandǒna neve xaj Rroma,
but śukar, zorale, godǐvare, lilvare
ćhavorre-ćhajorrǎ ʒàna 'dr-e khangëri,
mre godǎça savi me vaś lenqe kerdǒm,
mre Devles 'doj kamèna adǎke, sar me.
He jaćhovav ʒivdo dr-e gilǎ rromane,
dr-e lava, mre jilesθär save biandǒm.
