Savo xanʒar bi milaqo sinan tu, o Meripe ?
Pharrakǎres terne ile, amenθar les e butkamlen…
Thaj e ʒivden uśtaves len torturença
phagǎres kotora-kotora o po zoralo ogi…
O barra, o plaja so resen k-o devel, keres len kiśaj
a pala lenθe so aćhol ? Dukh thaj źal !
Avel nevo dives sar śuval, śulavel o hadinǎ,
than kerèla neve merimasqe, neve dukhaqe źalaqe.
Kana ʒal ti godi, putres e korresqe jakha
Thaj savo laćhipe dikhen ? Jaśin ta nostalgìa.
Ogesqo ćhuridipe kerko, dukh bi agoresqo
A pala tire padmadǎ, asia biginde,
ćhućhipe bi diposqo, kerkǎripe ʒik and-o meʒo…
Aj tu Devl!a, xinav ti drìta, ka keres tut devel baro
tu beśes, dikhes, mukes...
Po zoralo tuθar isi o Meripe
– dikh jekh fora o ćaćipe angl-i jakh.
O Meripe lel peça o mas e diaqe masesqo,
O śpìrti e diaqe śpirtesqo
thaj na mukel les te lel peça
ni seripe, ni sung, ni gili.
Ni e diaqo ćumipe na mukel lesqe
And-i śilali xarr e teminaqi bi agoresqo.
Ami tu Meripe kon isinan tu ćaćimasθe ?
E sungale luludǎθar keres kalo pràxo,
ćhudes la and-i śudri ćik, and-o korro bistaripe
thaj e dukhane diaθar keres armandini ućhalin.
Savo xanʒar bi milaqo sinan tu, o Meripe ?
Pharrakǎres terne ile, amenθar les e butkamlen…
Thaj e ʒivden uśtaves len torturença
phagǎres kotora-kotora o po zoralo ogi…
O barra, o plaja so resen k-o devel, keres len kiśaj
a pala lenθe so aćhol ? Dukh thaj źal !
Avel nevo dives sar śuval, śulavel o hadinǎ,
than kerèla neve merimasqe, neve dukhaqe źalaqe.
Kana ʒal ti godi, putres e korresqe jakha
Thaj savo laćhipe dikhen ? Jaśin ta nostalgìa.
Ogesqo ćhuridipe kerko, dukh bi agoresqo
A pala tire padmadǎ, asia biginde,
ćhućhipe bi diposqo, kerkǎripe ʒik and-o meʒo…
Aj tu Devl!a, xinav ti drìta, ka keres tut devel baro
tu beśes, dikhes, mukes...
Po zoralo tuθar isi o Meripe
– dikh jekh fora o ćaćipe angl-i jakh.
O Meripe lel peça o mas e diaqe masesqo,
O śpìrti e diaqe śpirtesqo
thaj na mukel les te lel peça
ni seripe, ni sung, ni gili.
Ni e diaqo ćumipe na mukel lesqe
And-i śilali xarr e teminaqi bi agoresqo.
Ami tu Meripe kon isinan tu ćaćimasθe ?
E sungale luludǎθar keres kalo pràxo,
ćhudes la and-i śudri ćik, and-o korro bistaripe
thaj e dukhane diaθar keres armandini ućhalin.
