Śun, more! So phenèsa tu
Pala gresθe, so me dorestǒm ?
Me trin ćhona les rodiom,
Dre lesθe baxt miri dikhlǒm.
Dre lesθe vèsna si miri,
Vaś manqe jov, sär gilǒrri.
Me sär-to mòlo jekhʒëno
Gëlǒm dre fèlda k-o graja,
Dives rupeça parnilǎ
Pre fèlda tixes säs saro
Dr-o fàno tatipe kheldǎ.
Man bolibnasθär kham tato
E suvnakaça obćhidǎ.
Ilo miro zabagandǎ
Saro vaś manqe säs ʒido,
Dives i kham manqe ‘sandǎ.
Ne sig, katär-to — khëlibe
Petalìtko rozdia pe.
Sär phuvǎθär biandǎ pe
Manuś pre gresθe uklisto.
Hoźo graj tel zen mardǎ pe,
I podgëlǎ manuś ke me
"Laćho dives" — manqe phendǎ.
Mire kana les na śundle
Miri godi, mire jakha
Vpine pe dre gresθe, sär suvǎ.
Jov säs sär rat saro kalo,
O bal pre lesθe phanruno
Saro jagǎça xaćilǎ
I men säs hòźo zorali
Sar i ròta säs zband'kërdi.
O graj pre manθe podikhlǎ
Ke me jov muj protirdia.
Pal men me gres obuxtildǒm
I manuśesθär me phućlǒm
Katär lia jov ada gres
I na biknèla l' manqe les.
Manuś straxaça podikhlǎ.
"Na bikinàva" — jov phendǎ
I mènta jekh na progëlǎ,
Sär graj jakhenθär xasilǎ.
Pr-o boliben kham murdilǎ
Dives běl'věl' zaparudǎ
Lole pr-o boliben kalo
Zaxaćine pe but jagorrǎ.
A me vsa sòmas terdo
Dikhlǒm karik graj ugëlǎ.
Ada divesesθär trin ćhona
Me nasvalo saro phirdǒm,
Pre phuv saro me roskamlǒm,
Nikon na säs pir-o ilo,
Ni boliben, ni kham tato.
Me zmrazilǒm dr-o tatipe.
Aj dre godi manqe vgëlǎ,
So ʒàva me dr-o ćoribe.
Vikediom me rat kali
Jekh bolibnasθär ćerheni
Dikhlǎ dre śtàla, sär vgëlǒm
Pr-o trèmo gres vïliʒiom,
O rat dre manθe xaćilǎ.
Bestǒm pre lesθe ukliste
Jov man foran uhalilǎ —
Lokhes pr-o śtèto zakheldǎ,
I siges leça dujʒëne
Tasadilǎm dre rat kali.
Miri säs śpèra naśadi.
Me na ćhurdàvas ada gres
Koli bi man i uxtilde
Adaj paś lesqëre hera.
Mek rosćhin'nas mre masa,
I baxtalo meràvas me,
So ada graj, sär kham kamlo
So jov xot' mènta säs miro.
Śun, more! So phenèsa tu
Pala gresθe, so me dorestǒm ?
Me trin ćhona les rodiom,
Dre lesθe baxt miri dikhlǒm.
Dre lesθe vèsna si miri,
Vaś manqe jov, sär gilǒrri.
Me sär-to mòlo jekhʒëno
Gëlǒm dre fèlda k-o graja,
Dives rupeça parnilǎ
Pre fèlda tixes säs saro
Dr-o fàno tatipe kheldǎ.
Man bolibnasθär kham tato
E suvnakaça obćhidǎ.
Ilo miro zabagandǎ
Saro vaś manqe säs ʒido,
Dives i kham manqe ‘sandǎ.
Ne sig, katär-to — khëlibe
Petalìtko rozdia pe.
Sär phuvǎθär biandǎ pe
Manuś pre gresθe uklisto.
Hoźo graj tel zen mardǎ pe,
I podgëlǎ manuś ke me
"Laćho dives" — manqe phendǎ.
Mire kana les na śundle
Miri godi, mire jakha
Vpine pe dre gresθe, sär suvǎ.
Jov säs sär rat saro kalo,
O bal pre lesθe phanruno
Saro jagǎça xaćilǎ
I men säs hòźo zorali
Sar i ròta säs zband'kërdi.
O graj pre manθe podikhlǎ
Ke me jov muj protirdia.
Pal men me gres obuxtildǒm
I manuśesθär me phućlǒm
Katär lia jov ada gres
I na biknèla l' manqe les.
Manuś straxaça podikhlǎ.
"Na bikinàva" — jov phendǎ
I mènta jekh na progëlǎ,
Sär graj jakhenθär xasilǎ.
Pr-o boliben kham murdilǎ
Dives běl'věl' zaparudǎ
Lole pr-o boliben kalo
Zaxaćine pe but jagorrǎ.
A me vsa sòmas terdo
Dikhlǒm karik graj ugëlǎ.
Ada divesesθär trin ćhona
Me nasvalo saro phirdǒm,
Pre phuv saro me roskamlǒm,
Nikon na säs pir-o ilo,
Ni boliben, ni kham tato.
Me zmrazilǒm dr-o tatipe.
Aj dre godi manqe vgëlǎ,
So ʒàva me dr-o ćoribe.
Vikediom me rat kali
Jekh bolibnasθär ćerheni
Dikhlǎ dre śtàla, sär vgëlǒm
Pr-o trèmo gres vïliʒiom,
O rat dre manθe xaćilǎ.
Bestǒm pre lesθe ukliste
Jov man foran uhalilǎ —
Lokhes pr-o śtèto zakheldǎ,
I siges leça dujʒëne
Tasadilǎm dre rat kali.
Miri säs śpèra naśadi.
Me na ćhurdàvas ada gres
Koli bi man i uxtilde
Adaj paś lesqëre hera.
Mek rosćhin'nas mre masa,
I baxtalo meràvas me,
So ada graj, sär kham kamlo
So jov xot' mènta säs miro.
