Sas thaj nas, jekh tetradǐ
Kanak lie duj phenǎ
I Mèmi ta i Mèli
Te aźutin e deja.
Lie xumer te uśnen
Gasavo avginalo
So lesθar śaj te peken
E ćhejorrǎ ilorro.
Jekhal phenel i Mèli:
« Dikh-ta dej!o so śukar!
Dikh sar kerel i Mèmi
Patrana xumeresθar ».
Ta ćaćes angla laθe
Sas kerdine A thaj O
Oj kerdǎs vi jekh T
So dikhlǒl sas but laćho.
Sar jekh càxra paś-i len
Laqo A sas unzardo
No ćorǎl i cikni phen
Opre ćhudǎs ćiriklo:
Thaj o A kerdilǎs Ǎ!
Vi o O, kaj si sar truj,
Ćhuv pa lesθe duj naja
Kerdǒl Ǒ, lel něvo muj!
Palem amari Mèmi
Verver patrana kerel
Prinʒarel len i Mèli
Thaj vi oj lel te uśnel.
Cikne sapes kerel oj
Ta ćhuvel śingorro opre
Sar and-i vòrba śośoj
Kaj si duj ś śoldine.
Vi p-o patran Z dias
Jekh śingorro gasavo:
Śingeça źiràfa sas
A zèbra sas bi lesqo.
O patran C vi ov śaj
Cikno śingorro te lel:
Bi śingesqo del cicaj
Ta leça ćar, ćik, ćitrel.
Uśnel i Mèmi, uśnel,
Ta dikh: e xumeresθar
Panʒ patrana H kerel —
Va, kerel o H panʒ var!
O jèkhto k-o P phandlǒl
Te keren PH duj ʒene;
Avreça o T kerdǒl
Thudesqo TH phudime.
Thaj vi o K kamel jekh
Kaj te kerel KH leça
Sar and-e vòrbe jakh, brakh,
Kham, kher, khil śaj śunèsa.
Te na bistras e dùme
Sar ćhib, ćham, ćhurik, ćhavo.
Kaj si Ć thaj H phandle;
Lença si vi o lav ćhućho.
Thaj o H o palutno
Na arakhlǎs amales
Ov aćhilǎs kòrkorro
Ta hodinel po-lokhes.
Dikh akana: i Mèmi
Kerdǎs duj RR khetane.
Ta pućhel la i Mèli:
« Sosθar si on phandine ? »
« Isi dùme, morri phen,
Sar Rrom, rroj, barr, xarr ta perr,
Kaj but Rroma na phenen
Izdrano R, no jekh aver.
I ćhib i dǔrmutani
Sas la duj R, sar lenθe.
Kadi butǐ purani
Te aćhol vi amenθe ».
I sasti alfabèta
Si kerdini ta pekǒl.
No aćhilǎs jekh fèta,
Cèrra xumer na kamlǒl.
A so te keren lesθar?
Keren i Ç poraça
Savi nùmaj and-o ~çar
Arakhlǒl, ja and-o ~ça.
Keren i θ, khajekhvar
Si oj [de], khajekhvar [te]
Arakhlǒl nùmaj k-o ~θar
P-o agor, vàjke k-o ~θe.
Na aćhilǎs khanć aba
Te keren i Q – naj sar.
Sa o aver patrana
Akana si but śukar!
Sas thaj nas, jekh tetradǐ
Kanak lie duj phenǎ
I Mèmi ta i Mèli
Te aźutin e deja.
Lie xumer te uśnen
Gasavo avginalo
So lesθar śaj te peken
E ćhejorrǎ ilorro.
Jekhal phenel i Mèli:
« Dikh-ta dej!o so śukar!
Dikh sar kerel i Mèmi
Patrana xumeresθar ».
Ta ćaćes angla laθe
Sas kerdine A thaj O
Oj kerdǎs vi jekh T
So dikhlǒl sas but laćho.
Sar jekh càxra paś-i len
Laqo A sas unzardo
No ćorǎl i cikni phen
Opre ćhudǎs ćiriklo:
Thaj o A kerdilǎs Ǎ!
Vi o O, kaj si sar truj,
Ćhuv pa lesθe duj naja
Kerdǒl Ǒ, lel něvo muj!
Palem amari Mèmi
Verver patrana kerel
Prinʒarel len i Mèli
Thaj vi oj lel te uśnel.
Cikne sapes kerel oj
Ta ćhuvel śingorro opre
Sar and-i vòrba śośoj
Kaj si duj ś śoldine.
Vi p-o patran Z dias
Jekh śingorro gasavo:
Śingeça źiràfa sas
A zèbra sas bi lesqo.
O patran C vi ov śaj
Cikno śingorro te lel:
Bi śingesqo del cicaj
Ta leça ćar, ćik, ćitrel.
Uśnel i Mèmi, uśnel,
Ta dikh: e xumeresθar
Panʒ patrana H kerel —
Va, kerel o H panʒ var!
O jèkhto k-o P phandlǒl
Te keren PH duj ʒene;
Avreça o T kerdǒl
Thudesqo TH phudime.
Thaj vi o K kamel jekh
Kaj te kerel KH leça
Sar and-e vòrbe jakh, brakh,
Kham, kher, khil śaj śunèsa.
Te na bistras e dùme
Sar ćhib, ćham, ćhurik, ćhavo.
Kaj si Ć thaj H phandle;
Lença si vi o lav ćhućho.
Thaj o H o palutno
Na arakhlǎs amales
Ov aćhilǎs kòrkorro
Ta hodinel po-lokhes.
Dikh akana: i Mèmi
Kerdǎs duj RR khetane.
Ta pućhel la i Mèli:
« Sosθar si on phandine ? »
« Isi dùme, morri phen,
Sar Rrom, rroj, barr, xarr ta perr,
Kaj but Rroma na phenen
Izdrano R, no jekh aver.
I ćhib i dǔrmutani
Sas la duj R, sar lenθe.
Kadi butǐ purani
Te aćhol vi amenθe ».
I sasti alfabèta
Si kerdini ta pekǒl.
No aćhilǎs jekh fèta,
Cèrra xumer na kamlǒl.
A so te keren lesθar?
Keren i Ç poraça
Savi nùmaj and-o ~çar
Arakhlǒl, ja and-o ~ça.
Keren i θ, khajekhvar
Si oj [de], khajekhvar [te]
Arakhlǒl nùmaj k-o ~θar
P-o agor, vàjke k-o ~θe.
Na aćhilǎs khanć aba
Te keren i Q – naj sar.
Sa o aver patrana
Akana si but śukar!
