V
BIMBÀRUS KERAVÈLA KŌRRORRE HLÒCI
Rança xalǔm te rança me pilǔm,
Rança pal-u skamin me beśtǔm,
Rança xalǔm te rança me pilǔm,
Rança pal skamin pārudǔm
(Purani rromani gili)
Pukamlǎ pes baronosqe
Ada hitrùma Rromesqi :
"Jav vikēde tuqe gres!"
Slùgi vijandle kāles -
Graj, hoć jan lesqu ćāru,
Sär phenèna - raj bāru -
Men bangǔl, pīrē trinćìni,
Lesqu bal sāru źaìni,
Ne Bimbàrus nakh tirdel -
Jàsaves jov na kamel.
Nāni an hlìva baronosqe
Dasau graj sau ćèbi lesqe,
Ne, haj, baxt les na ćhurdel
- Sivunes jov vikedel :
Bimbàrus phenēl hotāça:
"De dales, te zadībnaça !"
"Graj tīru te zadiben !
Kanā ʒas, dikhās bakren ! "
Bakre kon-cik ćaraven pes,
Sär ja bütēnθär vikedes pes !
Ne jekh bakrǎ jov zadikhlǎ -
Laqe per na rikirdǎ ...
"Daja thuli," dufìni pesqe
Te rakìrla jov rajesqe:
"De, konāqe pir pōri
Thulipen thadel avri !"
Raj sāresqe pripērèla,
Bimbàrus so na mangèla:
Jarźū ʒivunu, pīri
Deśuduj-vedrengīri.
[Ćhāvu ras porikirèla,
An urden sāru ćhuvèla:
"Jov ku rèka belvele,
Xāsam hlòci kōrrorre !"]
Pśalā les zaźakirèna -
Sär ruva te xan kamèna,
Kon bakrǎ Iia muravel,
Kon humbēr-rośćin kērel,
Mas ćhinèna, paćkirèna
Hlòci an pīri mukhèna -
Svàku hlòcos sär stādik :
Sìgnes vikerǔna, dikh !
Sär pīri jāgaθär lèna,
Ʒivus, so pśalā dikhèna :
Kokōrro barònos uśtāl,
Rānǎ te raklǎ liʒal.
Ke Rromā si ćāle-'gěnqi,
Si ʒindlu jone gāʒēnqe
Buśtǒrrǎ nēve ćholen,
Laćhe hlòci vikeden.
Te podèna, haj, rānǎqe
Te laqe terne raklǎqe,
Barònos, phürdër mangel,
Mi na lāʒāl - kokōrro mi lel,
Lesqe bāri bust podèla.
Hlòcos barònos stārèla -
Tiknedër sau te lathel,
So jekh vasteça te hadel...
Pal dumo ʒukel raklǎqe -
Te sau hlòcos dèna Iaqe,
Lesqe naxali ćhurdel,
Ne na xàla len ʒukel.
Būt vaśti ? Ćhāve dikhèna -
Raja piri ćhućhikirèna:
"So butër daj te lāʒas?
Hlòci las, an veś nāśās!"
Bimbàrus beślu si raça,
Rakërēl bāre roźaça,
Ke mukhèla bućāren,
Lesqe deśujekh pśalen.
Krig te ʒal si kokōresqe,
Bāru drom angäl si lesθe.
So 'dote les źakërel ?
Kaj liʒàla les Dēvel ?
V
BIMBÀRUS KERAVÈLA KŌRRORRE HLÒCI
Rança xalǔm te rança me pilǔm,
Rança pal-u skamin me beśtǔm,
Rança xalǔm te rança me pilǔm,
Rança pal skamin pārudǔm
(Purani rromani gili)
Pukamlǎ pes baronosqe
Ada hitrùma Rromesqi :
"Jav vikēde tuqe gres!"
Slùgi vijandle kāles -
Graj, hoć jan lesqu ćāru,
Sär phenèna - raj bāru -
Men bangǔl, pīrē trinćìni,
Lesqu bal sāru źaìni,
Ne Bimbàrus nakh tirdel -
Jàsaves jov na kamel.
Nāni an hlìva baronosqe
Dasau graj sau ćèbi lesqe,
Ne, haj, baxt les na ćhurdel
- Sivunes jov vikedel :
Bimbàrus phenēl hotāça:
"De dales, te zadībnaça !"
"Graj tīru te zadiben !
Kanā ʒas, dikhās bakren ! "
Bakre kon-cik ćaraven pes,
Sär ja bütēnθär vikedes pes !
Ne jekh bakrǎ jov zadikhlǎ -
Laqe per na rikirdǎ ...
"Daja thuli," dufìni pesqe
Te rakìrla jov rajesqe:
"De, konāqe pir pōri
Thulipen thadel avri !"
Raj sāresqe pripērèla,
Bimbàrus so na mangèla:
Jarźū ʒivunu, pīri
Deśuduj-vedrengīri.
[Ćhāvu ras porikirèla,
An urden sāru ćhuvèla:
"Jov ku rèka belvele,
Xāsam hlòci kōrrorre !"]
Pśalā les zaźakirèna -
Sär ruva te xan kamèna,
Kon bakrǎ Iia muravel,
Kon humbēr-rośćin kērel,
Mas ćhinèna, paćkirèna
Hlòci an pīri mukhèna -
Svàku hlòcos sär stādik :
Sìgnes vikerǔna, dikh !
Sär pīri jāgaθär lèna,
Ʒivus, so pśalā dikhèna :
Kokōrro barònos uśtāl,
Rānǎ te raklǎ liʒal.
Ke Rromā si ćāle-'gěnqi,
Si ʒindlu jone gāʒēnqe
Buśtǒrrǎ nēve ćholen,
Laćhe hlòci vikeden.
Te podèna, haj, rānǎqe
Te laqe terne raklǎqe,
Barònos, phürdër mangel,
Mi na lāʒāl - kokōrro mi lel,
Lesqe bāri bust podèla.
Hlòcos barònos stārèla -
Tiknedër sau te lathel,
So jekh vasteça te hadel...
Pal dumo ʒukel raklǎqe -
Te sau hlòcos dèna Iaqe,
Lesqe naxali ćhurdel,
Ne na xàla len ʒukel.
Būt vaśti ? Ćhāve dikhèna -
Raja piri ćhućhikirèna:
"So butër daj te lāʒas?
Hlòci las, an veś nāśās!"
Bimbàrus beślu si raça,
Rakërēl bāre roźaça,
Ke mukhèla bućāren,
Lesqe deśujekh pśalen.
Krig te ʒal si kokōresqe,
Bāru drom angäl si lesθe.
So 'dote les źakërel ?
Kaj liʒàla les Dēvel ?
