I
E BIMBARUSQĪRO RÒDOS
Ćōrrorro me ternōrro
Ni man lōve, ni grastōrro.
Rroma lāʒakìrna man:
"Haj tu, hućhe rodosθär san!"
(Purani rromani gili)
Bimbarus säs kuć rromēnθär
Dād lesqëru ćīriklenθär-
Dàndalǎs — ćhāves kamlǎ,
Rromanes barǎkirdǎ
Jekh naśtǎ te del sāresθär –
Ʒinipen bućàku lesqe
P-udova, ke kokōrro
Na ʒinèlas nin niso:
Rromnōrri säs henkàrka —
Zumaibnàrka te drābàrka.
Xàlas-pièlas, so kamèl —
Te vaso buti kerel?
Barilǎ Bimbarus sär dèmbus
Grād an mòricus hiringus
Säs lesqe deśjekh pšala —
Sim jekh sare sär grajā.
Ne, haj, jov angäl säs lenqe.
Maśkär deśuduj pšalēnθe
Jov sarenθär murśkedër,
Jov sarenθär śukardër.
II
PÈRŚU GĪBEN AN SVÈTUS
Ʒa ku dād tu bàrvalu,
Mang savāris rùpuvu!
Dād savāris na dia
Te śatraθär trādia. . .,
(Purani rromani gili)
Būt xāra phūredërenqe
Mārru säs te-den ćhāvenqe.
Bimbarus dād pukhardǎ,
Jàsave lava phendǎ:
"Mu ćhāvu, phūrdër tu san,
So phenàva, ćhu pal kan!
Ʒa an svètus, le pšalen,
Kōre penqe ràda den!
Duj bakren an pīri ćhuvàsam
Dis pal dis phorromnorrǎça.
Cïrus si kana paśe
Men te den te xan tume!
Dikaj lil si baronosqe!
Na bistër bāre rajesqe
Manθär dis laćhu te des
Te poklònos te phenes!
Bimbarus pšalen 'khārèla
Te an stròjos terdǎkìrla.
Phurromen pućamudle
Te an svèticus gine.
Phujōrri tal lenθe zdràla,
Bimbarus angäl-gabàla,
Pšala nin paśe tirden,
Mārèn vastença te khelen:
"Kālu mëru postin,
Lōli mëri kustik,
Sivicu mu grastōrro
Ku mu vast khelèla."
Bimbarus dikhel pu pesθe –
Nāni kālu postin lesqe,
Sivunes ćeb dorisel,
Te lōli kustik phàndel.
Pelǎ rat opre pu lenθe –
Pe khine deśduj pšalenθe:
Te dromesθär bangǐne –
Kaj pene, zapaśine.
Doja säs fèlda trifilìtku,
Ne taśàrla säs rosìtku:
Śudri balval lūludǎ
Grād sir mòros kunindǎ.
"Uśten, ćhava!le, tasaʒvàsam!"
Gòli dia sāre glosaça
Bimbarus: "Haj, pudikhen,
Mòros lia trujāl amen!"
"Plìma das pirdāl pur mòros,
Kaj dićhùla gav vaj fōros!"
Te mukhle-pen anu śtār
Pur trifìlis-hući ćār.
Dikhen : gurni pu fèldu xàla.
Bimbarus xotaθär 'sàla:
„Sam pu brègus, baxtale!
Ne xobe sāre ʒïde?"
"Jekh, duj, trin...," pšalen ginèla.
Giniben na vijavèla-
To po būt, to po kuti,
Ne deśduj nisär nāni.
Mārikli dikhèl gurnàki
Te kèrèla kana jakes:
Kones fèòu zaginèl-
Nakh kfulènca zamakhel.
- Deśujekh... Sāre rovèna.
"Jekh tasàndǎ!" Gòli dèna,
Pòskil sàmu ternedër,
Jakh konesqe hostredër,
Pudikhlǎ pu Bimbarusθe
Te phućha lesθär ʒivùsa:
"Menqe kful pe nakh isi,
Fènǔ tuqe jov nàni?"
Bimbarus obradiņdǎ pes
-Halilǎ, ke obgindǎ pes:
Pes, haj, jov na zagindǎ.
Pšalōrrès pućamudǎ.
Ti bāre säs lenqe hòti –
Skòki den, ćhurdèna ròti:
"Dàsau mòros pirgilǎm
Te sāre ʒïde isam!"
I
E BIMBARUSQĪRO RÒDOS
Ćōrrorro me ternōrro
Ni man lōve, ni grastōrro.
Rroma lāʒakìrna man:
"Haj tu, hućhe rodosθär san!"
(Purani rromani gili)
Bimbarus säs kuć rromēnθär
Dād lesqëru ćīriklenθär-
Dàndalǎs — ćhāves kamlǎ,
Rromanes barǎkirdǎ
Jekh naśtǎ te del sāresθär –
Ʒinipen bućàku lesqe
P-udova, ke kokōrro
Na ʒinèlas nin niso:
Rromnōrri säs henkàrka —
Zumaibnàrka te drābàrka.
Xàlas-pièlas, so kamèl —
Te vaso buti kerel?
Barilǎ Bimbarus sär dèmbus
Grād an mòricus hiringus
Säs lesqe deśjekh pšala —
Sim jekh sare sär grajā.
Ne, haj, jov angäl säs lenqe.
Maśkär deśuduj pšalēnθe
Jov sarenθär murśkedër,
Jov sarenθär śukardër.
II
PÈRŚU GĪBEN AN SVÈTUS
Ʒa ku dād tu bàrvalu,
Mang savāris rùpuvu!
Dād savāris na dia
Te śatraθär trādia. . .,
(Purani rromani gili)
Būt xāra phūredërenqe
Mārru säs te-den ćhāvenqe.
Bimbarus dād pukhardǎ,
Jàsave lava phendǎ:
"Mu ćhāvu, phūrdër tu san,
So phenàva, ćhu pal kan!
Ʒa an svètus, le pšalen,
Kōre penqe ràda den!
Duj bakren an pīri ćhuvàsam
Dis pal dis phorromnorrǎça.
Cïrus si kana paśe
Men te den te xan tume!
Dikaj lil si baronosqe!
Na bistër bāre rajesqe
Manθär dis laćhu te des
Te poklònos te phenes!
Bimbarus pšalen 'khārèla
Te an stròjos terdǎkìrla.
Phurromen pućamudle
Te an svèticus gine.
Phujōrri tal lenθe zdràla,
Bimbarus angäl-gabàla,
Pšala nin paśe tirden,
Mārèn vastença te khelen:
"Kālu mëru postin,
Lōli mëri kustik,
Sivicu mu grastōrro
Ku mu vast khelèla."
Bimbarus dikhel pu pesθe –
Nāni kālu postin lesqe,
Sivunes ćeb dorisel,
Te lōli kustik phàndel.
Pelǎ rat opre pu lenθe –
Pe khine deśduj pšalenθe:
Te dromesθär bangǐne –
Kaj pene, zapaśine.
Doja säs fèlda trifilìtku,
Ne taśàrla säs rosìtku:
Śudri balval lūludǎ
Grād sir mòros kunindǎ.
"Uśten, ćhava!le, tasaʒvàsam!"
Gòli dia sāre glosaça
Bimbarus: "Haj, pudikhen,
Mòros lia trujāl amen!"
"Plìma das pirdāl pur mòros,
Kaj dićhùla gav vaj fōros!"
Te mukhle-pen anu śtār
Pur trifìlis-hući ćār.
Dikhen : gurni pu fèldu xàla.
Bimbarus xotaθär 'sàla:
„Sam pu brègus, baxtale!
Ne xobe sāre ʒïde?"
"Jekh, duj, trin...," pšalen ginèla.
Giniben na vijavèla-
To po būt, to po kuti,
Ne deśduj nisär nāni.
Mārikli dikhèl gurnàki
Te kèrèla kana jakes:
Kones fèòu zaginèl-
Nakh kfulènca zamakhel.
- Deśujekh... Sāre rovèna.
"Jekh tasàndǎ!" Gòli dèna,
Pòskil sàmu ternedër,
Jakh konesqe hostredër,
Pudikhlǎ pu Bimbarusθe
Te phućha lesθär ʒivùsa:
"Menqe kful pe nakh isi,
Fènǔ tuqe jov nàni?"
Bimbarus obradiņdǎ pes
-Halilǎ, ke obgindǎ pes:
Pes, haj, jov na zagindǎ.
Pšalōrrès pućamudǎ.
Ti bāre säs lenqe hòti –
Skòki den, ćhurdèna ròti:
"Dàsau mòros pirgilǎm
Te sāre ʒïde isam!"
